Almennt um ADSL í gegnum RHÍ

Reiknistofnun býður notendum Háskólans uppá ADSL aðgang.

Það sem felst í þessu er að notendur fara í gegnum Reiknistofnun með sína ADSL umferð og hafa því beinan aðgang að heimasvæðum sínum og erlendum fagritum. Til að hafa möguleika á að geta nýtt sér þetta, þarf viðkomandi að hafa virka ADSL línu heim til sín frá símafyrirtæki og sækja svo um aðgang að ADSL-i RHÍ í gegnum Uglu.

ATH! Notast þarf við stillingar frá viðkomandi símfyrirtæki en einungis setja inn notandanafn og lykilorð frá Reiknistofnun inn á routerinn.

Hér að neðan má finna algengustu spurningar varðandi ADSL tengingar. 

Spurningar og svör

Hvað kostar ADSL tenging fyrir starfsmenn?

• ADSL tengingin kostar 500,- kr fyrir starfsmenn sem viðkomandi deild borgar.

Hvað kostar ADSL tenging fyrir nemendur?

• Nemendur HÍ þurfa ekki að borga neitt gjald til RHÍ fyrir afnot af ADSL tengingu í gegnum RHÍ. Nemendur þurfa hins vegar sjálfir að útvega sér ADSL línu hjá símafyrirtæki og sjá alfarið um uppsetningu á netbúnaði s.s. beini (router).

Hvar finn ég leiðbeiningar um ADSL tengingu?

• Leiðbeiningar um ADSL er að finna hér.

Hver er hraðinn á ADSL tengingu við Háskólann?

• Hraðinn veltur á því hversu breiða línu þú kaupir hjá þínu símafyrirtæki.

Hversu mikið niðurhal (download) er innifalið í tengingunni?

• Magn niðurhals er óskilgreint. ADSL tenging við HÍ er til þess ætluð að
  nemendur og starfsfólk geti nýtt sér netið við sitt nám og starf.
  Fylgst er með allri umferð notenda (til og frá). Sjái netstjórn
  óeðlilega notkun nemanda verður viðkomandi að geta réttmætt notkun
  sína. Óeðlileg notkun er meðal annars niðurhal á kvikmyndum eða
  annarskonar ólöglegu efni.